Постер на библиотеката

 

Стартува новата учебна година и стартува работата на библиотеката со планираните активности. Посакуваме успех во учењето и задоволство со секоја ново прочитана книга. 

Рекордер читател на годината

 

Читател на месецот мај

 Читател на месецот мај е Ања Дончевска од 2-2 одделение со најмногу позајмени и прочитани книги за овој месец. честитки Ања, ти посакуваме уште повеќе прочитани книги во иднина.

 

Книги, книги, книги- Сакаме книги- Посета на Саемот на книгата

 

 На 9.5.2023 година учениците од 6 и 7 одделение го посетија Саемот на книгата кој се одржуваше од 4-10 мај во спортската сала Борис Трајковски. Учениците ги посетија штандовите на сите издавачки куќи и најмногу се задржаа на оние каде имаше литература за нивната возраст, па ги дополнија своите библиотеки со нови лектирни изданија, читанки на англиски и забавни наслови, но и подарок книги за своите блиски. Во 12 часот на штандот на Арс Ламина се запознаа со писателот Велко Неделковски и присуствуваа на промоцијата на неговата нова книга. На крајот тој делеше свои автограми, а договоривме и средба со него и кај нас, како негови домаќини. Времето со книга брзо минува. Мирисот на нова книга опива, а прочитувањето на нова книга воздигнува. 

Донација од 100 нови книги од издавачката куќа „Арс Ламина“ за нашата библиотека

 Денес, 27.4.2023 во нашето училиште пристигна донацијата на 100 нови книги од издавачката куќа ,,Арс Ламина" проект со кој оваа издавачка куќа го промовира читањето и ги збогатува училишните библиотеки под мотото „Читањето е супер моќ". Возбудата кај членовите на библиотекарската секција беше голема и со нетрпение чекаме да ги направиме првите позајмувања. Голема благодарност до Мароја Богоеска и Димка Јовевска за исцрпната презентација.