Ретроспективна изложба и работилница инспирирана од Анета Светиева

  Ретроспективна изложба и работилница инспирирана од Анета Светиева

Иако на летен распуст, нашите уметнички не одмараат. Мила Филиповска, Марија Тренкоска, Калина Боцевска и Јана Цветановска беа во Даут Пашиниот Амам каде ја разгледаа изложбата и се инспирираа да творат со глина. Прекрасно поминат ден, заедно со одговорните наставници: Стефанија Јонческа-Тонски, Валентина Терзиева, Виолета Божиновска и Наташа Старделова, Благодарност до Националната галерија на Македонија и едукаторот Маја Димитрова.

Рекордер читател за учебната 2024-25 година

 По целосна анализа на податоците во библиотеката ви го соопштуваме читателот-рекордер за оваа учебна година, Матеј Младеновски од 2-1 одделение. За својата посветеност тој доби и награда -книга. Честитки, Матеј! Ти посакуваме безброј прочитани книги!

Читател на месецот мај

 

„Хотел за инсекти" - доделување на благодарници

„Хотел за инсекти" - доделување на благодарници

На 29.4.2025 се заокружија активностите со проектот ,,Хотели за инсекти" заедничка соработка на повеќе училишта: „Св. Климент Охридски“, „Невена Георгиева -Дуња“ и „Св. Наум Охридски“, Националната галерија, Машински факултет и Зоолошка градина. Во зоолошката градина се презентираше досегашната работа и се поставија живеалиштата во посебно катче во градината. Изработен беше и каталог и се доделија благодарници за учесниците. Учесници во проектот беа Марија Тренкоска, Калина Боцевска, Мила Филиповска и Јана Цветановска од 8-2 одделение. 

Читател на месецот април

  Повторно ученик од 3-1 се натпреваруваше да прочита најмногу книги овој

 месец април. Тоа е Анастасија Ставревска која  читаше по една книга на ден, па овој месец ја наградуваме со пофалница. 

Прибежишта за инсекти - работилница

 Денес, 2. 4. 2025, се реализираше соработка меѓу повеќе институции, Националната галерија, Зоолошката градина, Машински факултет, училиштата „Св. Климент Охридски“, „Невена Георгиева -Дуња“ и „Св. Наум Охридски“, а целтта беше на работилница да се направат живеалишта за инсекти, кои ќе бидат поставени во зоолошката градина во Скопје. 

Свесни сме дека со сè поголемата урбанизација на просторот и инсектите ги губат своите живеалишта, а нивното значење е огромно како полиенатори, но и важен сегмент во кругот на животот. 

Затоа, ја внесовме сета наша креативна енергија, употребивме природни материјали како трска, дрво и шишарки, гранчиња и кора од дрвја и на крајот резултатот беше голем број „Хотели за инсекти“. Учесници во работилницата од нашето училиште беа Марија Тренкоска, Калина Боцевска и Мила Филиповска од 8-2, заедно со наставничката по техничко образование, Валентина Терзиева и библиотекарката Наташа Старделова.

Читател на месец март

 Читањето е заразно. Повторно ученик од 3-1 се натпреваруваше да прочита најмногу книги овој

 месец март. Тоа е Јована Цветковска, која безмалку читаше по една книга на ден и овој месец ја наградуваме со пофалница.