,,Шемов и јас"

  ,,Децата помнат многу од она што го доживуваат во детството и тоа влијае во голема мера врз односот кон себе и кон другите. Посетата на галеријата и создавањето уметност е едно од таквите сеќавања. Убаво е чувството кога знаеме дека креираме весели спомени за нив."- напиша во каталогот на изложбата ,,Шемов и јас" Маја Димитрова - едукатор во Даут пашиниот амам. 

Токму такви чувства побуди овој проект на галеријата. Учесници од нашето училиште беа Сара Стојановска, Софија Ацевска, Ангела Трпевска и Теодора Томческа од 9-1 одделение, под водство на наставничката Валентина Терзиева и со поддршка од библиотекарката Наташа Старделова. Пред еден месец беше работилницата, а денес на 10.11.2023 година беше свеченото отворање на изложбата со  нивните дела. Навистина прекрасно доживување. 

Повеќе за работилницата прочитајте тука https://nas-zbor.blogspot.com/2023/10/blog-post_65.html?m=1

Читател на месецот ноември

 Овој месец го наградуваме Антонио Боневски од 6-1 одделение. Тој беше вториот кој ја прочита трилогијата „Белото циганче“, и со тоа се закити со Диплома за читател на месецот ноември. 

Читател на месец октомври

  Марко Трпчевски од 6-1 одделение е читател на месецот октомври. Тој ја прочита трилогијата ,,Белото циганче" на Видое Подгорец, а тоа значи дека покрај лектирниот дел, беше љубопитен да дознае каква била судбината на Таруно и Бреско понатаму од книгата која им е задолжителна лектира.

Поетско читање по повод Месецот на книгата

 

Конкурс по повод Месецот на книгата

 По повод Месецот на книгата, библиотеката при ООУ. „Св. Климент Охридски“ распиша литературен конкурс „Читам книга секој ден“. Најдобрите творби ќе бидат селектирани, наградени и прочитани на литературното читање на крајот на месец октомври.

Читател на месецот септември

  

Читател на месецот септември е Миа Јаневска од 3-2 одделение со најмногу позајмени и прочитани книги за овој месец. Честитки Миа, ти посакуваме уште повеќе прочитани книги во иднина.

Постер на библиотеката

 

Стартува новата учебна година и стартува работата на библиотеката со планираните активности. Посакуваме успех во учењето и задоволство со секоја ново прочитана книга.